（第一場）算得妙論馬值三班，可惜算足幾年仍未算得一場頭馬，打真軍反不若金大人與好小子，一熱一冷，任君選擇。照慣例五班算係熱門出頭，仍有冷腳跟尾，不防留意幾匹坐慣冷板櫈之發霉馬，卓暉、機緣滙聚、卓越精英，甚至真係駋亦可入圍。
（第二場）老馬超力好盡地一舖，最宜贏位兼投，正路馬是創新高鬥奔騰飛駒、高歡之局，後駒潛力較高，選重心佔先一籌。及時雨加強配搭，有錢分可用人事搭夠，打硬仗屬意輕磅馬綠駿群英，十倍左右派彩，放心捧場。
（第三場）柏寶有家橋可策，最近又去替老馬長勝福將試過三朝早操，無事殷勤，提防有詐！驍騎無敵於週日以後備替出，若遊馬河而改出今晚，將與亞洲橙王左右夾攻，應有一匹返嚟！冷配皆大歡喜、宇宙良駒。如贏啲啲肯放盡，可爆半冷。
（第四場）高明威威前仗跑同程半冷開齋，今次由沙田轉快活谷，如非揀飲擇食，值得再捧。對手最勁再度豪情，其次好運得福，兩者同氣連枝，擇其冷者而跟。冷配好旺財、巴圖魯不易取捨。
（第五場）星際雄師最近由牌仔輕爆同程，形勢微妙，如該役有人中空寶，今賽會跑個明白，以作交代。爭三甲以正歡騰、旺舖福星均有實力，前駒有錢分又睇高多少。冷腳神風先驅、歡天喜地。大冷介紹不老英雄。
（第六場）大進配柏寶為今賽穩健馬胆，三勝同程有餘未盡，如要爭取頭馬紀錄，無不拚之理。祥勝愛駒、友利多同聲同氣，冷配尚合，打硬仗先數嘉飛，易配上陣，不贏有位。想好分浚鋒天河、質超駒皆有入圍資格，當然是冷者先行。
（第七場）國寶雖然三勝千四米，觀其走勢，一里亦無不合，與智友、歡歡樂樂成鼎足之勢，正路馬胆在其中矣！選冷腳金添好運、普梳王應有機會，要一舉打敗前述三駒，非在幾匹降級馬選擇不辦，最靚納帕二號，其次是大贏家。
（第八場）美猴王五捷同程均有餘力，上次之敗疑點重重，再配韋達，值得再捧。對手最惡孖寶神駒，若開心風采回配柏寶將與威騰為一雙好配腳，但分頭太奀，未必跑贏鼓浪天風。紅衣司令配個十磅仔，不難是第二隻紅跑車。
文章
沒有留言:
發佈留言