一得之見
（第一場） 路遙知馬力，中短途尚可用人事搭夠，如有用慢步速亦難瞞識者之眼，正路馬先揀升班馬「太陽奇妙」，新勝同程再減十四磅，坐位望贏，對手為兩個大師傅，「勁好友」有數得計，「私家路」 拚搏已多，進步有限，僅宜半冷。冷配「奔騰飛駒」、「金瑞」難分高下。
（第二場） 今場有三匹馬都係法國仔紀仁安之剩餘物資，講質新態勇先數「火燎腚」，論路程適合及有數得計則不及「聚豪精英」與「質超駒」，柏寶先揀隻火燒後欄，今場一定吸引大部份捧場客，提妨跟着個焦廷貴！南非系有得斟者熱取「開心好多」，冷敲「雙妙星」。大冷腳是「仔仔女女」！
（第三場） 馬少好做作，大細任開，未必係好分者行頭，照牌面睇，大局是「藍天」與「精算攻略」之爭，兩駒打真軍都係一分四十秒以內，走隻「開心動力」或「火箭動力」上嚟則一團和氣，但時速一定不合標準。告家兄弟任何一隻都贏得好好睇睇，可惜班大帝睇唔到咁遠矣！
（第四場） 「年年開心」兩爆半冷均由南非系傍住上，何其巧也？今次形勢大同小異，不排除照辦煮碗，小心！「封面」上賽僅負於前駒半乘，今仗加強配搭，有權反先，賠率不同亦可更易賽果，第三勢力非「帝皇福星」即「大唐勇將」。兩匹集團馬都有半冷機會，「越戰越勇」較「驕陽飛駒」更有把握！
（第五場） 「明駿之寶」鬥告家兄弟兩駒之局，前駒上仗映相僅敗，負於馬運，如因此而受低估，焉知非福？告家軍以「超勁精神」稍勝一籌，但「玩具神話」改配南非史而有分頭，一定唔會講玩！配腳「駕世仔」、「財富之星」，冷者行先，不中不遠。
（第六場） 今場三班千二米賽事，有十匹為從二班降級作戰，其中又以「精彩生輝」、「六六精英」最佔優勢，事實此兩駒擺在二班已屬班頂之材，賠率合算，重心非此即彼。爭入圍八、九兩駒兩位一體，實力未露，論近態尚不及六、七兩馬，後者演出穩健，冷配最宜。大冷是「再來風」。
（第七場） 今場亦係有八匹馬降班作戰，「闊袍大袖」是否名大於質，暫時尚未肯定，但熱門則吟詩都吟唔甩矣！對手最惡為大告兩馬，「鵬力洋洋」有績可查，「靚到爆」亦四捷同程，不能置之不理。冷腳「玉峽生輝」、「福喜」。想食大茶飯，「旺國手」如何？
（第八場） 今日尾場暗伏半冷危機，公眾大熱門「文武維揚」因負磅太輕，改用牌仔押陣，未必不會熱垮，最可能是敗於「開心風采」或「活力飛駒」，甚至銳氣正盛之「錢照贏」亦隨時反先。韋達肯騎「八運寶」一定睇見試閘確有轉機，方肯上馬，僅宜半冷，無錢分寧敲「飛闖」。大冷腳小試「安畋」。
文章
沒有留言:
發佈留言