一得之見
（第一場） 新馬場合，由两匹三歲英國馬「控制者」、「奬金王」鬥一隻两歲澳洲馬「戰利品」之局，後駒上次跑入第二，毫無拚搏感，今次落注搏殺，一定零舎不同，如非揀飲擇食，三甲甚穩，要一舉擊敗前述两騎，要睇騎者之人事與功夫矣！冷腳「開心樂韻」、「駔驍駿驥」屬一時瑜亮。
（第二場） 「火燎腚」最近两仗毫無戰意，小方以賽代操，今次加強配搭，穩位望贏，可作重心。對手最靚「齊飛」，其次「路路好」，均屬千米健將，若嫌分頭太奀，「女皇出巡」博你唔信。如不怕面懵「加州千金」亦有底出可能。
（第三場） 「勁加勁」上場後二百米按韁奏凱，升班減磅，機會不減，除非嫌錢腥，幾十萬奬金已夠下季養馬費用矣！次選「皇帝諭令」，連齋都未開，做皇帝有何味道？打硬仗「里奧威利」可出半冷，同線「福喜」亦有同感！配腳「俊威威」、「蜚聲國際」，冷者為主，不中不遠！
（第四場） 「快快贏」再配潘頓，顧名思義，都係想贏多一場，歇暑去也！對手最勁「頌友」，最近數仗，有餘未盡，易配巫大帥一定去盡，唔會重留！「齊喝采」亦係開到荼薇，喝采在即，不會留待下季！冷配最靚「紅褲仔」，最惡「威老虎」！
（第五場） 「同感」最近两仗，所負甚微，再配韋達，鬥志鮮明勝望甚高，值得一捧。對手最勇「確威星」，其次「萬里驍」，揀隻好分頭者串Q，不中不遠，博大堆留意「駿盈」，伍廐散班在即，一定盡此一舖！两匹新勝馬仍可冷配。「溫暖先鋒」僅得少撮人受惠，鬥志較「有情風」更高。
（第六場） 「野外桃源」改配潘頓，今賽重心不作他想，睇徐雨石之谷馬功夫如何？是否交待清楚！對手有二，熱取「名列前茅」，冷敲「光輝之星」。配腳「陽明星星」、「比你高」都在考慮之列。
（第七場） 「如你所願」今季兩捷同程，今次贏馬僅加六磅，難逃大熱之機，少過四倍，未必如再捷之願。對手最強「綠色寶」，想好分留意「皇仁勁駒」，此馬最近曾有擊敗首駒紀錄，南非霍為自家人，不算肥水橫流。冷配「順利得勝」、「太陽海岸」不易取捨。
（第八場） 今場實力馬均屬聲息可通，既可分先後搵食，亦可打成一片，以馬論馬，「愛寶駒」此程两贏两位，電算機上一枝獨秀，「飛闖」同路人次之，打真軍又未必係「齊歡笑」手腳！何况柏寶尚有一隻「堅旺財」，此馬跑第二都升班，一定堅料！冷腳勿忘「銀子彈」！
（第九場） 「威風猛將」為遲熟馬，今季初出，僅上陣三次，走勢光芒漸露，韋達無寶不立，此集團馬肯交佢執鞭，未必由佢亂舞，可作重心。「奪金」夜戰已屈作副車，今次仍有十倍左右，奬金仍照奪如儀！「幸運新寶」如有風吹草動，不可走寶。冷腳「高友勁」、「勝風」難分彼此！
（第十場） 澳系雙傑新勝同程，「塑料盈」與「好靚仔」均屬有餘未盡，隨時添食，何駒先行？則不易忖測，第三勢力為二班夠贏之「城中話題」，亦係一班投注人討論佢是否贏馬回升問題。韋達一早取得「食得好」之策騎權，一定食得唔好徙也！「同個夢想」易配退熱，入圍不是夢想。
（第十一場） 煞科戲為均勢之局，能締一分四十八秒左右者接近十駒，故大冷大熱均須睇定落注，無謂跟風！暫列「替天行道」及告家兄弟两駒，「將男」熱而「爪皇豪火」冷，為爭三甲之先頭部隊，「安賞」、「金秋」两位一體，提防誤中副車，大冷腳是「紅山茶」。
文章
沒有留言:
發佈留言