一得之見
（第一場） 「永順益」在傑仔胯下映相得第三，多少誤於形勢，今次改配潘頓，方廐想多添一場頭馬，是司馬昭之心，路人皆見。「勝蹄飛」唔想贏何必加配高手莫雷拉？半冷提供「新界福星」，有錢分咪當班鄉親係阿福也！冷腳最靚「喜運財星」，其次是「不老精英」！
（第二場） 「八飛」跑同程有两冠一亞往績支持，加配韋達仍有五倍左右已夠殺有餘，宜作重心。對手為潘頓名下两駒，熱取「辣得醒」，冷敲「歡樂時光」，一舊一新，悉隨尊便。「幸運勇士」週身插蘇，十倍以上貝湯美可肩重任。「天下寶」老而未殘，擺佢入圍各項彩池倍數昇值。
（第三場） 「翡翠明星」上賽在巫斯義胯下輕勝同程，僅加五磅而改配莫雷拉，添食機會有增無減，對手為韋達名下两馬，熱取「好香港」，冷敲「嫡愛」，任君選擇。打硬仗勿忘「比你高」，此馬留頭鬥後，其拉士比同場對手為高，冷則留意。「火紅人」潛力未露，可亂大局！
（第四場） 「大衛精神」、「環保之星」都有易配搏殺之意圖，如出正路，重心非此即彼。第三者「皇帝諭令」、「競駿才子」都有條件，前駒拚來拚去不出頭，望之不似人君，打真軍應選後者。半冷屬意「非常好」，近期數戰已有好轉，可惜屈作副車，今次應該輪到。冷腳可串「牛精仔」。
（第五場） 「金紫荊」盛年未過，有三勝七位之紀錄支持，穩位望贏，可作重心。對手為韋達名下雙騎，「赤膽」冷而「紅運福星」熱，睇佢今次開邊瓣？「勁啲啲」亦係圍內，賠率過份吸引，貝湯美亦會交足功夫！冷腳記得「中國好」！
（第六場） 「寶寶飛龍」連下两城，毫無對手，除非用唔識跑快活谷夜馬為藉口，否則不易找出不入三甲之理由。爭入圍先數韋幫主名下两駒，「醒目精伶」顧名思義，不會甘願作副車，主力當屬「安琛」，打真軍「旺綵」自然有潛力問鼎中原，冷配「享耆成」亦有一定水準。
（第七場） 「帝國勇將」再配馬偉昌，將與「愛寶駒」、「幸運雄威」三分鼎足，既可分先後搵食，又可打成一片，同撈同煲！君非圍內，難明究竟。打硬仗南非雙傑坐騎均有作胆條件，安國倫捨「威威具星」而取「雅雪」，揀錯馬成份居多，「卡達聖」亦係要贏位兼投。
（第八場） 「慣勝福星」四次上陣，三贏一位均用半力，四次派彩均在三倍以下，升至二班仍是五倍以內，胃口較大之捧場客恐怕有點不慣，尤其是一般口頭禪是有韋達冇分頭，無謂替人做運財童子！打真軍「卓爾非凡」、「好先生」均屬爭勝人馬。冷配「踏浪而來」最靚，「金獅威將」次之！
（第九場） 今場亦係全季之煞科戲，是大團圓結局抑或爆冷收科？跑完至知！两個南非佬舉足輕重，「紅駿」、「獅鷲」誰是主力？問秤攞！講分頭當然是馬偉昌，两隻均淡而乏味，不如小敲「公証揚聖」或「迎風起舞」，前駒易配莫雷拉應該唔會嚟拉馬！冷腳再敲「勁飛翔」如何？
文章
沒有留言:
發佈留言