（第一場）五班馬大熱門勝出率不算高，少過四倍者小心，浪漫添馬上賽轉手即贏，今次易配唱熱，提防得個慢字！威威、喜相逢與前駒有路可通，提防底出，若打真軍又不及智勇非凡或第一好運。老馬好利高雖有韋達押陣，只合作配，半冷睇好精靈拍檔！
（第二場）天下寶最近不論韋達或柏寶押陣均無尋寶企圖，若改由小楊執鞭，不妨燒吓冷灶，十五六倍左右，不妨贏位兼投！打真軍歡騰有好手押陣值得重視，回鄉精神、聚豪精英有線路相通可互相呼應。愛蓮說已露殺機，博大堆值得兼顧。
（第三場）贏啲啲最近五戰三勝兩位從不落空，此慢熱馬到目前方踏入全盛期，次次都話贏啲啲，積少成多，今次仍難輕視。對手以龍得風雲最惡，勇蹄飛、友情友義次之，清風駒係贏啲啲影子馬，賠率過份距離，配腳睇多一匹。大冷睇好權勇駿，位置好分過獨贏。
（第四場）和諧大使、勝利雄威都有用柏寶之議，其最後選擇將與馬風雲、福喜三分鼎足，馬風雲為團體馬，鬥志比較單純，除非熱極生變，可作重心。冷配喜寶寶、超勁精神均可一斟，大冷仍取普梳王，用牌仔則更妙。
（第五場）共同努力上賽以慢時速半冷開齋，若少過四倍，小心荷包！威武雄星、大王者與前駒互相呼應，冷者行頭，馬場慣例。歐洲駿馬、松林之星跑一里不及高耀之威、勝任有餘咁有把握，冷配應選後述兩駒。博大堆可敲威力高，配小楊好過卓利。
（第六場）滙名燈三戰同程兩冠一亞，如方廐仍用傑仔押陣，半冷重心，不妨少捧，打硬仗首推軍刀，其次皇帝出巡，場地變軟計多隻御將軍，冷腳多多昇、浚鋒天河不易取捨。
（第七場）短途新秀旅英駿駒四度上陣三冠一亞，演出準繩，轉攻快活谷應無難度，重心之選。爭入圍首推勁勇士，其次祥禎，串冷腳先召親房人等，應變計劃、此時此刻如分配明仔、小鄭都夠份量，要推翻大局除非賠率好得驚人。想好分提供幸運王子。
（第八場）頂班千八米以勇將軍、魔法幻影兩駒較為傑出，若打真軍均有破一分四十九秒之潛力，選馬胆非此即彼，韋達復出有特寶樂或沙貝利可揀，分頭合算受埋佢玩，捧成大熱，能否擊敗兩門強敵尚屬疑問。冷配金碧亮馬、璐悅，大冷留意國中之星。
文章
沒有留言:
發佈留言