（第一場）分享前仗半力爆冷，並無走樣，上仗僅屬過冷河性質，若受冷落，仍有分享勝利果實機會。前駒熱極有變，大情大勝、時時有機均可遞補而上，秒秒領先千二首本，一千可算漏網之魚。莎朗之寶憑柏寶之騎功可爭冷腳，講好分則不及奧馬精神。
（第二場）十二匹上陣馬僅得可圈可点與馬中神駒有過此程頭馬紀錄，後駒為短途馬而靠後上，大師傅亦要留放合度，小師弟更難熱捧，半冷重心應選可圈可点。爭入圍以領航動力最為穩健，千兩寶寶配柏寶次之。想好分綠茵勁贏、常山鳳寶可動腦筋。
（第三場）友誼奧運此系馬鬥志鮮明，選重心優先考慮。年年如意曾替堯仔開齋為第一號對手，駿冠、七星仔次之，有分頭者睇高一綫，兩隻都淡而乏味，楊明綸隻八飛走出嚟，冷門客笑逐顏開。場地帶軟可串燈胆寶，老馬卓爾不凡入圍，天下大亂。
（第四場）喜在心頭盛年未過，睇最近幾仗，尚保存一點心中之火，趁對手不算超越，半冷重心仍有用場可派。鉅業光輝進度有限，實力與大把在手相距甚近，打真軍應遜鋼意一籌。有景降班回勇，冷腳與神力金剛都可一斟，大冷留意不操而戰之興緻高。
（第五場）龍的傳說此匹愛爾蘭中長途健將，頭尾三年，僅取三席位置，與頭馬無緣，近期三度梗頸，有兩次是屈作副車，再不加料，蟬曳殘聲過別枝，又少一匹！若前駒仍是得個傳字，星際雄師、財駿福星甚至鎖定目標均可取代。勝利福星、怒火優勢都係家幾冷，開大鑊飯應該計埋。
（第六場）聚好盈、靚到爆新勝同程，加上枕戈待命之天祿應是今場之爭勝份子，以實力選胆，天祿仍是最高一匹，睇高半籌。選冷腳普梳王雖有柏寶押陣，打硬仗未必高於好兄弟，講分頭更難與不老英雄相提並論。
（第七場）美猴王跑此程未嘗敗績，由韋達轉柏寶，睇佢如何跑今場，若無馬去挑戰大聖爺，一定有冷腳跟尾，十倍以內者無謂傷腦筋。有力打硬仗者以活力飛駒、高點及精彩生輝均可爭入圍，冷配孖寶神駒、鼓浪天風。大冷睇好酒勝。
（第八場）質新馬活力至寶四度上陣，兩冠一亞，勇況仍備，應是重心之選。對手有三，大進最勇，天瞳、大旋風都係小鄭坐騎，未必唔會揀錯馬，轉取多多昇較為單純。配腳勁有盈、成功網絡都可一斟。
文章
沒有留言:
發佈留言