（第一場）愛拼者贏處於此班，如肯硬拚，贏面甚高，但五班不利大熱，無錢分算佢肯拚亦未必輪到佢贏！機緣滙聚、誠信心、卓越精英實力不相伯仲，揀隻有分頭去串前駒亦好合邏輯！半冷提供森淼盛，博大堆鐘表世家不可或缺！
（第二場）錢照贏初出即告熱垮，受益者為自家人不能作準，若因此而退熱，今次贏俾你睇！仍是淡而無味，好運精選即可取代，射遠多少好快活、友比日月一樣計數。冷配綠茵勁贏、勁辣椒均可一斟。
（第三場）四班馬跑沙糠千二米，十二匹上陣馬竟無一隻勝出，入圍者亦僅得半數，提防乘機搏亂之半冷份子，以態選材，甜蜜至上再配柏寶可作重心，盈驥、馬皇帝只合半冷，少過五倍，家橋、萬人迷均屬替身或副車，愈冷愈妙。開心福星、宇宙良駒可充冷腳！
（第四場）今場難覓重心，似是而非者俯拾皆是，投注認真小心！韋達騎上十歲老馬少過十倍不宜過信，比較惹人好感者為兩匹開心馬，年年開心試前試後應有把握，開心財星一里專材屬副選，有十倍左右應先考慮。足球大師總欠臨門一腳，冷腳可揀一頭一尾，濰坊、封面並皆佳妙。
（第五場）確叻星班利路合，應屬今場馬胆。九龍寶無壓倒優勢，分頭太奀，機會不及精英財星、勝利鑽石。串冷腳可取喜勝威、紅冠子，講實力應數兩匹輕磅馬，心路最靚，幸運來次之。
（第六場）沙糠千八米由方、胡兩廐控制大局，方有鎖定目標、旺國手，胡擁廣友名駒、怒火優勢，單估誰是主力？已感不易，睇唔通不宜浪費火藥！天寶之威、金獅猛將如有分頭尚可加入戰團，派彩太奀何必就佢？
（第七場）十四匹上陣馬僅得砲嘜、小橋流水曾勝同程，前者佳況未復，後駒初出即勝，應屬爭盃主角。爭勝人馬以御鋒、延續美麗都在狀態，分配柏寶、韋達難分正副，兩隻都熱而乏味，走隻尚駿心出嚟免傷和氣。冷配金鑽龍華、皇仁神駒不易取捨。
（第八場）質新馬天久上賽初跑沙糠，居然贏馬有若晨操全無對手，升班減磅優勢不減，半冷重心仍可再捷。對手以得到寶最惡，其次為魄力王，如奇異福星恢復昔日九成水準，亦有爭入圍實力，如分頭太奀未必好過光輝出擊。
（第九場）紅日質新配強，千四米首本，正路馬胆無出其右。十則圍之雖有韋達之助，僅宜冷配，打真軍應不及大將風範與川滙主帥，講派彩更非福將臨門可比擬。真奇寶已見底，今次唱熱，未必好過飛闖或談笑用兵。
（第十場）漂亮第一如有好手押陣，將與摩廐雙雄成對峙之勢，大摩兩騎，白德民押陣者如成大熱，提防有變。魄力寶長處不是一里，無分頭貝利高應予兼顧。冷腳出自方、胡兩廐，喜威寶最威，贏大錢吼百贏萬歲！最後一提按得快，特別彩池不可少佢一份。
文章
沒有留言:
發佈留言