（第一場）五班短途重心難覓，熱門馬可避則避，用腦好過用耳，免為奸人所害！短中取長，我跑得改配蘇狄雄跑唔跑得都有一席位置，不妨贏位兼投！爭入圍秒秒領先、莎朗之寶，後駒遲熟，希望柏寶用人事搭夠，韋達再騎齊鼓掌亦有同感，大冷奧馬精神。
（第二場）家橋前速有準，柏寶不肯放手，半冷重心，優先選取。如清新空氣週三游馬河而轉跑今場，睇柏寶取捨而定！千兩寶寶與前者有線路可通，最合半冷，唱熱益咗柏寶擁躉！冷配高飛飛、領航動力難分高下。大冷吼隻老馬華忠寶。
（第三場）柏寶在韋達手上接收開心動力去試閘，與新強勁展開雙翼齊飛攻勢，既可一Ｑ返嚟，又可分先後搵食，兩駒都點成食之無味，馬偉昌金獅駿將、潘頓威海歡騰可以替身姿態出現。冷腳可串勁有盈，大冷留意幸運王子。
（第四場）再來風再配柏寶，論馬夠贏，從二班降低兩級應佔優勢，需要研究者賠率是否值博而已！前駒有失，第一隻後補馬為成功年代，百利旺、駿盈副之。馬中神駒留放得宜，可爆大冷。場地變軟，亞洲橙王、香檳王可派用場。
（第五場）雪山神駒曾在韋達胯下憑一條直路平反敗局，睇今次易廐後第二次上陣，騎、練是否交出該役水準，可爆半冷。正路馬應屬吉利大哥、奄尖大少之爭，邊個有錢分邊個係大佬，兩個都係水鬼尿，不如轉投再來旺財，一定有十倍以上收獲。冷腳燈胆寶、財富之星。
（第六場）兩匹質新馬可愛人生、愛蓮說圍攻好運得福之局，後駒七戰雖僅取一席亞軍，但走勢美妙，目前實力已具三班夠贏水平，值得追捧。天鷹盛年已過，賭佢宜兼位置。再度豪情亦有同感。電訊高星如怱怱再出，可博半冷，否則超勇駿亦可一斟。
（第七場）方廐兩匹實力馬旺國手、勝利福星由柏寶任擇，前駒上仗敗在韋達胯下，走勢微妙，柏寶去馬無須留到尾阿尾！今次機會不及勝利福星。正路是正歡騰、印度光輝與方廐之爭，半冷睇好頭盤，不論馬偉昌或賴維銘，愈好分愈妙。大冷芝麻雪糕，改配蘇狄雄更佳！
（第八場）馬偉昌復出替活力至寶執韁，人與馬皆充滿活力，穩位望贏可作重心。柏寶有輕輕鬆鬆、大進可揀，潘頓有大衛精神、嘉飛任擇，但兩駒都係韋家旗下馬匹，贏唔贏幫主話事！反而友利多、太陽昇更值得憧憬。
（第九場）納帕二號最近數仗均相當接近，可能碍於形勢，事實隻馬唔好如何有此上佳表現？一定唔好當佢係垃圾也！如此馬熱極生變，發達心聲、旺家多寶都可出頭，當然是冷者先行。銀太陽已老，第三隻入圍馬唔係海力童就是卡加大師。
（第十場）愛跑得贏馬加磅不多，鄭雨滇手風正順，派彩化算，再捷不難。迎風起舞人事搭夠，賠率有差距，小鄭會高抬貴腳，幸福紅椒與永勝多一對同線馬，則非要使出真功夫不辦。有分頭之配腳首推大贏家，其次好兄弟。
文章
沒有留言:
發佈留言