一得之見
（第一場）四班千米短途重心難覓，無心水睇少一場，十四匹上陣馬僅得中國心、勁力寶蹄及盈驥已開勝利之門，其他十一匹都在守齋，論近態寶再威、活力至寶與雙龍出海尚差強人意，揀隻半冷馬作重心，較有把握，冷配中國心、夢寐以求。大冷仍追勁力寶蹄。
（第二場）好利利、蜚聲及龍得風雲成鼎足之勢，前兩駒有韋達、柏寶押陣，如不計冷熱，兩駒都有作膽條件。尤以前駒可放可留，千二米較合腳程，講派彩則遜於龍得風雲。冷配好辣椒、高明威威難分高下。萬事歡已冒勇態，可爆大冷。
（第三場）萬事佳此程獨步，三戰兩冠一亞，如非揀飲擇食，再捷不難。爭入圍以聖迪達最勇，其次大有運，冷者行頭，馬場慣例。金鑽龍華靠後上，非有場地之助不及常山鳳寶。如威馬加鞭改用硬功騎師，可用人事搭夠，冷腳可爭。
（第四場）胡森兩騎左右大局，怒火優勢已得甜頭，今次可能輪到廣友名駒，如兩駒都唱到火紅火綠，走隻再度豪情上嚟唔會失禮！配腳健康藍莓、森林活泉不易取捨。大冷常山鎮寶，位置好分過獨贏。
（第五場）福將臨門加強配搭，今次如馬房有料到，趁對手無多，應該夠贏。對手最高奄尖大少，其次是福至心靈，打硬仗兩個牌仔未必輸於大師傅！靚好聲馬齡尚稚，如得韋達人事搭夠，唔止得把聲。冷腳越跑越有、聚豪精英，大冷吼住當旺！
（第六場）好心星四戰兩冠兩亞，未嘗落空，除非騎者不立好心，目前形勢仍是穩位望贏之選。文武精英由柏寶接手，已攤凍之馬若非突然熱到熨手，應該唔係矢氹關刀！千江映月進步神速，實力已接近蓬萊仙子，但講分頭尚不及特色咖啡。
（第七場）告東尼三騎以牛精財星跑中距離應較其他廐侶睇高半籌，方廐兩駒，美麗傳奇如無柏寶押陣，叫座力一定不及勇者無敵，打硬仗未必後駒更有把握！沙貝利升班減磅，若無利可圖，機會尤不及璐悅及駿綵。
（第八場）蔡、摩兩廐各擁三駒，估計爭標主角是閒話一句與勇敢小子，兩駒已及吸引過半數目光，如彼此皆出右手，當然前述兩駒打硬仗，皆用絕招，四匹副車不易估也！費事傷神何不贏位捧締造美麗！大冷是君子一言。
（第九場）引伸波幅可放可鬥，上仗有分頭，雖千八米亦可平安扺埗，若吸引過多眼光，可能今次唔係波也！爭三甲戶外名駒爆冷後仍勤練不輟，上仗可能有人中空寶，有十倍左右不妨再追。紅日、多贏勁駒都有冷配條件。皇馬已復佳況，半冷可敲。
（第十場）新爆半冷之又快又勁鬥蔡廐雙雄之局。後述兩駒都係飽奶仔，鬥志可能不及大摩之又快又勁。雅雪演出準繩，特別彩池必備之馬。非我莫屬已過盛年，雖有柏寶之助，宜兼位置，打硬仗不及愛跑得、川滙主帥。大冷門介紹正黃旗。
文章
沒有留言:
發佈留言