一得之見
（第一場）新馬場合多數暴冷暴熱，今場是旅英駿駒再鬥獵豹小子之局，上次韋達睇住隻小子嚟跑，餘力充沛，除非質新馬一日千里，否則不易創造奇蹟。冷腳以軒轅勇將機會高過幸運多多。
（第二場）南非佬接手宇宙良駒，若派彩合算，轉手即贏不算意外。對手最弗同歡笑，杜利萊在風陵渡與勵盈之中選一匹半冷馬，睇法國佬有無體育精神，若彈隻時時攞彩出嚟，今次唔係增慶也！皇帝旨令有分頭尚可分一杯羹，淡而乏味，皇帝都冇面俾！。
（第三場）科研精英於草地兩拚無功，轉跑沙糠居然大勝一仗，升班減磅除非嫌錢腥，似無不拚之理。對手首推盈彩繽紛，擅跑軟慢之馬沙地亦優為之，次選為勁飛馳。盛年已過之神殿，略見回甦之名店之星宜作冷配。半冷留意初出馬得到寶，此駒在原產地六戰四冠兩亞都係沙地，提防一出即爆！
（第四場）愛拼者贏今次用到韋達，大概已換人換到最大影響力一個矣！馬主愛拚，騎者是否想贏且聽下回分解。最有威脅者為自動加速，其次綠翔王，董事馬奧馬精神久休復出，有銀分份外精神。晨速、偉感為韋大爺哼哈二將，可作冷配。泰寶馬再配蔡明紹，小心！
（第五場）旅遊大亨勝而不升，呢幾十萬獎金易如拾芥，連執都嫌費神又作別論，前駒熱垮，電子金麟、神勇將軍即可脫穎而出，遠多少就係神州八號，後駒由冷轉熱，提防引擎失靈！半冷睇好招積仔。大冷腳加多隻飛躍之鋒。
（第六場）印度光輝上仗屈作副車，今次勞愛德與蔡神仙揸正嚟做，不贏有位，宜作重心。對手為兩個小子，金剛小子最惡，其次無雙小子，分頭合算大家一齊嚟玩如何？冷配寶樹多盈、銀影激光。想特別彩池醒神，旺國手不可不理！
（第七場）明燈最近連下三城，愈贏愈易，是否第二隻勇敢小子，睇蔡神仙之功夫而已！前駒熱到爆燈，紀利威龍、金德寶均可遞補而上，遠多少就係極奇妙。冷配電光能源、開心歡笑！仍未合口味，酒勝如何？
（第八場）執巫斯義手尾之馬轉手即拚在柏寶名下已有案可稽，今次傾力之城轉去韋達手上，你以為有得傾否？估計太冷太熱都要睇定方可沾手，五六倍左右差唔多矣！相見歡、友利多與柏寶有多少淵源，無分頭按兵不動，食大鑊飯飛闖、長勝值得考慮。大冷腳是長勝福將。
（第九場）奇葩可放可鬥，質新馬日有進展，除非今場易配而熱，死火大把藉口，有分頭值得再欣賞！都爾有好有勝、中華英雄可選，提防會揀錯馬，八逢九紫亦係與潘頓有關，亦會有剝錯牙之虞。聖河已臨取勝邊緣，值得贏位捧場。冷配提供新薪。
（第十場）韋達名下兩駒舉足輕重，論路程應選貝利高，論狀態歡樂繽紛屬同場之冠，後駒上季末初出即大熱掄元，今季四戰兩冠兩亞，從未失Ｑ，臨場宜分正副，若費事去估心水，贏位賭暢蝦王較為實際。喜盛龍、卓爾非凡配腳之材。博大堆澤驛駿驥、鎖定目標均可一斟。
文章
沒有留言:
發佈留言