一得之見
（第一場）均勢之局，贏啲啲贏馬升班減磅，論馬機會不減，若分頭過少，提防位置交代。爭三甲以順利多、共同努力較合心水，想好分則加多一隻招財名駒，顧名思義此馬入圍各項彩池一定升值！勝利雄威再配小蔡與燈胆寶均屬冷腳之選。
（第二場）五班馬近期頻頻出冷，今場亦不例外，投注小心！估計除一隻我跑得外，隻隻都可以位置欠奉。打硬仗以華劍寶配柏寶最為硬朗，其次是精靈拍檔，但不宜少過四倍，若兩駒都熱，彩旗飄飄或火鳳凰都可放入冷腳。貪好分一定要國家富強！
（第三場）包裝猛將上仗落注即贏，一條直路連過十駒，柏寶如有意加添頭馬紀錄，必博此駒，值得再捧，對手首推多多昇，賠率合算，有講有傾！其次數到六六精英，牌仔押陣最宜半冷。紅褲子、不言而喻都係蔡明紹坐騎，冷腳擇一而串。
（第四場）喜在心頭盛年未過，如無意外，添食不難。若上次食飽，成功年代、太陽昇均可代之而興，若射過去幸運小寶，毋須靠運亦會贏得好好睇睇。食大茶飯留意厲行星與駿盈，任何一隻返嚟都係百百有聲！
（第五場）鄭雨滇名下兩駒卡加精神、成功網絡均屬新勝同程，多少受形勢影響，估計佢揀任何一駒都吸引大眾眼光，如過份捧熱，提防還盅！海王子、大進同聲同氣，半冷加入考慮，分頭太奀則改投靚得開心或太極至尊一票可也！
（第六場）如天下寶於週日志在輕舒腳頭，目標今賽，特別彩池重心，不可或忘。正路馬是蓋世子牙、超勇駿及勝任有餘三駒之爭，後駒上賽半冷開齋，若派彩化算再派用場勝任有餘！其他兩馬以超勇駿較為硬朗，半冷之選。配腳霹靂子彈、中華寶寶都可一斟。
（第七場）引伸波幅鬥智友之局，兩駒最近五戰演出準繩，一冷一熱，頭馬非此即彼。爭入圍有龍的傳說、星際雄師，兩駒關係密切，若賠率相距太遠，擺佢行頭，皆大歡喜。天下兵器有用柏寶消息，無分頭何必就佢？博冷寧取威力高。
（第八場）大將風範上仗輕爆半冷，如非揀飲擇食，贏馬升班，不成問題。對手為澳系三傑，馬風雲最惡，福到多多次之，潘頓之超新星應是十倍左右之半冷馬。靚到爆配馬偉昌勢孤力單，只合冷配，無分頭改串旺家多寶、緣是燦爛。
文章
沒有留言:
發佈留言