一得之見
（第一場）五班馬跑長途又係一場動腦筋遊戲。森淼盛長期有態，但贏馬要講功夫與報酬，無分頭可能變成心火盛！活威小子、兄弟班兩位一體，年年如意、飛躍星河難分正副，均不易揀匹主力。足球大師改用十磅仔而有分頭，何妨贏位一博！
（第二場）勁爆力有四冠三亞之佳績支持，單睇紀錄誰與爭鋒，今季兩拚不逞，僅保連贏，盛年已過之馬，捧場宜兼位置。對手首推原小子，人強馬勇，不贏有位，次選勁勇士質新未盡，最宜半冷。冷配威威財星，捨長取短之安競近賽曾試前段，如受冷落，人事搭夠。
（第三場）柏寶之華劍寶敗於超級馬贏啲啲，不足為辱，但今次又有機緣滙聚可揀，何去何從，五班馬都有缺點，應睇賠率而定正副。勁多勝、算得妙都係處女馬，少過五倍提高警覺。留意潘頓名下兩騎，秒秒領先、大隊長以後駒較合心水，當然仍以銀紙掛帥。大冷腳是穩操勝算。
（第四場）永得勝上月初半冷開齋，休息充電，捲土重來，分頭合算仍有添食條件。七星仔上仗贏得微妙，博你唔信，最合半冷。福到多多有柏寶押陣，賠率化算，穩位望勝，淡而乏味，莫做阿福。十足十如見退熱，潘頓加多少肉緊，開齋厚望。大冷是風馳電掣。
（第五場）欖球樂園上仗千米直路賽，輕叩勝利之門，改跑快活谷千二米應無難度，唯一可慮者派彩太奀，加程、負重及轉場均屬死火藉口。太陽昇似乎太直接，與源活海均屬配腳之材，打硬仗以鉅業光輝份量最重，其次為興緻高。信賴仍有餘力，過份冷落，信多一次！
（第六場）精算拍檔於週日以後備替出，若用張士貴打摩星嶺姿態上陣，留力今場，將與威海歡騰、超群財星組成一個鐵三角，兩個大師傅殺聲振天，正是新紥師弟抬頭機會！薛寶力有馬之王、包裝猛將可揀，其最後選擇將與軍士均有條件與前述三駒討價還價。
（第七場）鄉村傳奇實而不華，升班減磅仍是半冷重心。團隊精神求勝心切，擺大頭都有得分，優先考慮，捧得過份，超勝或質超駒均可底出。賴維銘近期手風轉順，帶利財子改配此君，或可帶來一筆小財，大冷腳吼實勝爵。
（第八場）寶成智星上仗有眾星拱月，傍佢返嚟，若由冷轉熱，是否智者之選？你諗你可也！正路馬是追月鬥馬風雲之局，熱捧韋達，半冷白德民資深馬迷耳熟能詳，蔡明紹幾度失手，超勁精神乜嘢賠率方有精神？頗傷腦筋，無銀分何不捧吓賴維銘之不老英雄！
文章
沒有留言:
發佈留言