賽後評述
香港賽馬會賽果及派彩
（第一場）大情大勝雖排十一檔仍然捧成首席熱門，杜利萊毫不含糊，一早即搶得前領地位，迄電算機前，收八成亦未必有人肯出讓也！豈料最後一百米突然提早腳軟，先後為莎朗之寶及友情友義追過，難逃五班馬不利熱門之定律。友情友義數度由小王上陣均在四十倍以上，今次改配馬偉昌落注即贏，又少一個三零部隊。
（第二場）卡加精神上仗突如其來拚得一席近兩千之大冷腳，今次改配鄭雨滇，落注即贏，與上場一樣，王志偉坐騎轉手即贏，葉廐包辦第一口孖寶縮水近三十巴仙，收獲唔細矣！進勝福星由頭至尾傍住小鄭坐騎，南非系呢兩場分惠亦相當和味！辣得喜似屬指定冷腳，梁家偉三甲不入，對走位留放功夫，仍須加意進修。
（第三場）智友由郭爾達兩勝中距離，轉由白德民執韁，最後二百米跑到無馬可追，返回三班仍是中距離惡馬。包裝好友潛質毫不遜色，將來再度踫頭不難反先。靚到爆若非出閘脫腳，亦有實力改寫戰果。揀得正屈作副車，今次揀日月暉華而唔揀佢，可惜谷料不足，否則「六—十」單Ｑ二千多元，惜哉！
（第四場）葉廐三戰三捷，鄭雨滇呢個運財童子果然勝任有餘！此駒第五次上陣即半冷開齋，力拒奄尖大少，猶有餘力。大熱門創新高留頭而不鬥後，葉廐上下無任感激！奄尖大少質新有進，今賽形勢不利，只要賠率不可太過奄尖，隨時出頭！天寶之威、心頭好得個跟字，毫無拚搏感！將來原配執韁，值得睇好！
（第五場）今場接近六七匹馬一齊衝線，作群鶯亂飛狀，睇各馬分段走勢，苗廐之善風似屬今賽之主角，此駒最近兩仗經已試準，今次前後左右都係圍內，除招財名駒替其開路之外，後半里均由馬偉昌控制，第三段慢至廿七秒七竟然無馬過頭，全部都係二仔底—死跟！最後映相卻敗於鄭雨滇胯下，跑馬屬偏門，信焉！
（第六場）蔡明紹今日前五場全乏表現，小告求仁得仁，排十一檔之大將風範一早搶佔內欄，以平均速度帶放，最後交回一段廿三秒七，無驚無險，直趨終點！不老英雄去到電算機前即打退堂鼓，下次如見落注，應有不同效果。大熱門驚喜不入三甲，韋達死火毫不驚奇，奇在副車海力童、威力高竟被雄風一腳踢走而已！
（第七場）方、摩兩廐起碼有四匹可獨當一面，當紅人物韋達客串特寶樂，澳系老將白德民拿起衝鋒槍，兩者都係三個開，何駒係流料？難瞞資深馬迷，但連喜威寶最後都點到不足七倍，則有明搶之嫌，可惜肯用腦之人僅屬少數，致令奸計得逞，未悉最高當局是否任呢班大帝為所欲為？將馬迷玩殘！
（第八場）連孭五鑊之韋達終於贏出首次頭馬，大摩之永利多用韋達去馬，形勢如上場之衝鋒槍，而白德民走去索騎開心動力猶第二隻特寶樂耳！荷包倒落兜肚，何樂而不為？問題在捧場客之荷包不知倒落何人之袋而已！大旋風係自己友，前述兩騎當佢作耳邊風，眾威旺亦然，但下次打硬仗不一定高過十則圍之或高一線！
（第九場）美猴王為近年罕見之短途快馬，除前賽千米重重受阻外，其他四場千二米都係半條直路，一鬆即勝，星運伯爵是熱頭冷腳之局勢下產品，步步快、高點亦然，如奢言有如何潛質云云，不妨劃隻耳朵上牆，一笑置之可也！萬里駒、應變計劃放頭，戰士、鼓浪天風鬥後，下次應有一匹出擊！
（第十場）韋達於連敗七場後，終於包辦今日三寶，於是乎又取得一次騎師王，再為他日招徠捧場客張本，沙貝利連贏三場，唱熱有根有據，一團威、愛跑得甚至璐悅亦有賽績支持，熱捧有理，但悅璐孖寶居然點至四倍首熱，則與第七場之喜威寶殊途同歸，宅心不良，聽消息者應銘記於心，免再為奸人所害。
（第二場）卡加精神上仗突如其來拚得一席近兩千之大冷腳，今次改配鄭雨滇，落注即贏，與上場一樣，王志偉坐騎轉手即贏，葉廐包辦第一口孖寶縮水近三十巴仙，收獲唔細矣！進勝福星由頭至尾傍住小鄭坐騎，南非系呢兩場分惠亦相當和味！辣得喜似屬指定冷腳，梁家偉三甲不入，對走位留放功夫，仍須加意進修。
（第三場）智友由郭爾達兩勝中距離，轉由白德民執韁，最後二百米跑到無馬可追，返回三班仍是中距離惡馬。包裝好友潛質毫不遜色，將來再度踫頭不難反先。靚到爆若非出閘脫腳，亦有實力改寫戰果。揀得正屈作副車，今次揀日月暉華而唔揀佢，可惜谷料不足，否則「六—十」單Ｑ二千多元，惜哉！
（第四場）葉廐三戰三捷，鄭雨滇呢個運財童子果然勝任有餘！此駒第五次上陣即半冷開齋，力拒奄尖大少，猶有餘力。大熱門創新高留頭而不鬥後，葉廐上下無任感激！奄尖大少質新有進，今賽形勢不利，只要賠率不可太過奄尖，隨時出頭！天寶之威、心頭好得個跟字，毫無拚搏感！將來原配執韁，值得睇好！
（第五場）今場接近六七匹馬一齊衝線，作群鶯亂飛狀，睇各馬分段走勢，苗廐之善風似屬今賽之主角，此駒最近兩仗經已試準，今次前後左右都係圍內，除招財名駒替其開路之外，後半里均由馬偉昌控制，第三段慢至廿七秒七竟然無馬過頭，全部都係二仔底—死跟！最後映相卻敗於鄭雨滇胯下，跑馬屬偏門，信焉！
（第六場）蔡明紹今日前五場全乏表現，小告求仁得仁，排十一檔之大將風範一早搶佔內欄，以平均速度帶放，最後交回一段廿三秒七，無驚無險，直趨終點！不老英雄去到電算機前即打退堂鼓，下次如見落注，應有不同效果。大熱門驚喜不入三甲，韋達死火毫不驚奇，奇在副車海力童、威力高竟被雄風一腳踢走而已！
（第七場）方、摩兩廐起碼有四匹可獨當一面，當紅人物韋達客串特寶樂，澳系老將白德民拿起衝鋒槍，兩者都係三個開，何駒係流料？難瞞資深馬迷，但連喜威寶最後都點到不足七倍，則有明搶之嫌，可惜肯用腦之人僅屬少數，致令奸計得逞，未悉最高當局是否任呢班大帝為所欲為？將馬迷玩殘！
（第八場）連孭五鑊之韋達終於贏出首次頭馬，大摩之永利多用韋達去馬，形勢如上場之衝鋒槍，而白德民走去索騎開心動力猶第二隻特寶樂耳！荷包倒落兜肚，何樂而不為？問題在捧場客之荷包不知倒落何人之袋而已！大旋風係自己友，前述兩騎當佢作耳邊風，眾威旺亦然，但下次打硬仗不一定高過十則圍之或高一線！
（第九場）美猴王為近年罕見之短途快馬，除前賽千米重重受阻外，其他四場千二米都係半條直路，一鬆即勝，星運伯爵是熱頭冷腳之局勢下產品，步步快、高點亦然，如奢言有如何潛質云云，不妨劃隻耳朵上牆，一笑置之可也！萬里駒、應變計劃放頭，戰士、鼓浪天風鬥後，下次應有一匹出擊！
（第十場）韋達於連敗七場後，終於包辦今日三寶，於是乎又取得一次騎師王，再為他日招徠捧場客張本，沙貝利連贏三場，唱熱有根有據，一團威、愛跑得甚至璐悅亦有賽績支持，熱捧有理，但悅璐孖寶居然點至四倍首熱，則與第七場之喜威寶殊途同歸，宅心不良，聽消息者應銘記於心，免再為奸人所害。
文章
沒有留言:
發佈留言