一得之見
（第一場）新馬場合僅得八匹參戰馬，獵豹小子走來走去難逃大熱門命運，何不乖乖地贏馬編班去也！或有更佳之搵銀機會。大摩兩馬幸運多多、讚惑亦不會如何冷落，三甲甚穩，贏馬則有待強敵失準。軒轅勇將一味夠準，冷腳佳選，大冷介紹瀟灑福星。
（第二場）年年如意改配馬偉昌，將與足球大師、飛躍星河三分天下，正路重心非此即彼，若派彩合化算，亦可包辦各項彩池，值得細意推敲。或曰︰五班馬多數冷者行頭，環顧全場有實力而好分者有乘風破浪、八達嶺及百笑三駒，任何一匹入圍都令各項彩池升值。
（第三場）開心財星老而未頹，派彩開心，必有財富見面，可作重心。爭入圍以高歡最勁，利之寶、皇仁俊駒次之，如派彩過份懸殊，反先不難。冷配極速寶寶、奧馬精神，質素尚新，仍有進步空間，值得選取。大冷睇好智勇非凡。
（第四場）靚好聲因韋達停賽即聘請柏寶，捧場宜睇賠率，如熱到失聲，神州八號、愛睦善都係受益者。旅遊大亨初試一里，分頭太奀寧取實有咁多之高分貝或新意思。森林活泉已是降班邊緣，只合半冷，太熱太冷提防降班至食，小心！
（第五場）今場重心難覓，全場僅得一隻綠茵勁贏曾打開勝局，其他十三匹都係守齋之駒，綠茵勁贏上仗因心律不正而輸幾條街，今次都係觀望為宜，暫列尊皇騰龍、龍得風雲為第一批可以考慮之勇馬，權勇勝、萬人迷屬贏位兼投之配腳，博大堆森淼獵鷹、權勇勝皆宜斟酌。
（第六場）好利利上賽一騎絕塵，按韁取勝，新配上陣，仍有半冷機會，淡而乏味，第一匹留意應是風動寶，擺大頭都有五六倍，值得一諗。冷配家橋、超勝，有錢分實力與鬥志不用懷疑，賠率太奀，新配何澤堯之軍士可肩重任，據云此子已勝出四十餘仗，不妨留意。
（第七場）質新馬芙蓉威龍最近兩度熱垮，論質夠贏，仍不降溫恐難走甩南非三友之圍攻，進勝福星、雄心馬主及中環英雄分配普萊西、卓利及勞愛德，雄心馬主已見晒底，其他兩駒尚有幾多，尚在未知之數，睇賠率而定取捨。冷腳雄獅寶貝、幸運來。大冷吼實再來旺財。
（第八場）八匹馬爭短途錦標，大摩三駒左右大局，上週國際賽香港盃之印象猶新，今場難保再講閒話一句！正路馬是鳥語花香、同一世界之爭，一熱一冷重心非此即彼，再出摩術手法，奉上點心一碟，又係廿倍以上，用綠色駿威行頭，似乎無咁面懵也！冷腳極奇妙、火箭動力不易取捨。
（第九場）開心動力、友利多及開心自在成鼎足之勢，彼此關係密切，點熱者未必主力，有分頭方值得開心，臨場宜睇風頭，用腦好過用耳！想好分特色咖啡值得斟酌，有佢在場，任何彩池派彩一定特別出色。鄉村傳奇、中國心在場地有變時會有冷配效果。
（第十場）奇葩三戰兩勝一位，愈贏愈快，分頭合算，三捷不奇！對手首推曬冷王，其次是傾力之城，後駒負重，宜兼位置，甚至底出福將臨門亦不算意外。幸運愛駒若能退熱，更惹人好感。冷腳威馬加鞭、超力駒均有用場可派。
（第十一場）醉味鬥藍天之局，醉味近況勇進，打真軍睇高一線。第三勢力提供沙貝利，韋達不在場，雖連贏四場，無分頭何必就佢？蔡明紹若恢復信心，漂亮第一機會不讓沙貝利專美。冷配貝利高、百贏萬歲均可一斟。
文章
沒有留言:
發佈留言