一得之見
（第一場）祥禎有用柏寶消息，若非存心靠害，今賽重心無出其右。對手首推可圈可点，其次雙龍出海，後駒為半個自己人，冷配更宜。大關刀為李廐集團馬，不揮則已，一揮則熱門馬有難！領航動力、巧奪天工都有迴光之態，分頭不俗，老亦無妨！
（第二場）我跑得今季八度上陣，非贏即位，從未失手，求諸五班，不易多覩，穩位望勝！爭三甲以精靈拍檔最靚，華劍寶、浪漫添馬次之，韋達騎上十歲馬好利高非有人事搭夠，不易討好。半冷可敲森淼盛，十倍以上你都走寶，無謂心火盛！
（第三場）今場三班短途實力相當均衡，不宜偏重一兩匹名氣馬，值得細意推敲，御將軍、一路順風及活力至寶兜亂配搭，熱個匹未必係主力，小心！善戰沉着應戰，靚得開心由偉仔押陣，冷門客一定開心。配腳不妨加多隻化工之昇。
（第四場）皇帝旨令八戰未入三甲，最近放頭、鬥後均已試準，扳到韋達策騎大概不會假傳聖旨，半冷重心不妨小捧！爭入圍以威威福星最威，其次順利多，若真命天子引火自焚，即可取代。想好分好友緣不可或忘。冷腳可博瀟灑財星！
（第五場）杜利萊有兩張皇牌在手，雄爆、喜在心頭任何一匹都可舉足輕重，開冷開熱，悉隨其意。韋達若騎質新馬大喜日子，戥人歡喜抑或自己搵食尚在未知之數，反而成功年代則實有咁多。偉龍若有人中空寶仍是半冷佳選，熱得過份不宜再追！冷配贏啲啲、友情友義！
（第六場）福喜、天祿均佔班次之利，如正路馬抬頭，馬胆非此即彼，揀有分頭者最合快活谷形勢！易搏贏回配柏寶，最合扮演得利漁人，若前述兩騎齊聲合唱，得其所哉！冷腳非追月即旺家多寶，仍嫌未夠好味，威力高如何？
（第七場）今場千八米潛龍伏虎不在少數，能打破一分五十秒者佔八成以上，用人工賠率培植出嚟如卡加大師之類，隨時揀出五六匹，認真提高警覺！暫列利好、智友及正歡騰為第一批正選，其次是鵬力洋洋、包裝好友，值博率應在六倍以上，大冷腳好知己、好著數夠膽就買！
（第八場）小告兩駒控制大局，質新應取漂亮第一，底厚則非牛精財星莫屬。第三勢力以愛跑得最勁，然後輪到沙貝利。兩匹同主馬璐悅與悅璐孖寶可充冷腳。大冷留意百贏萬歲。
文章
沒有留言:
發佈留言