（第一場）出乎意料新馬場合出齊十四匹，曾有出賽經驗者僅得五六隻，跑新馬態重於質，有部份在原產地靜靜地操好者不在此例，有數得計之美妙時機、幸運多多成對峙之勢，重心非此即彼，第三勢力軒轅勇將。冷配福建王者、超晒班。
（第二場）實業輝煌、勇蹄飛跑沙糠較為突出，半冷重心，非此即彼。第三勢力提供馬皇帝，質新態進，不宜輕視。冷配開心好多、常山鳳寶，有分頭者行先一步。神殿、駿盈及好拼勁若於夜馬過冷河，再出今場均有機會，以神殿睇高一綫。
（第三場）賽已開到荼薇，森林活泉今次扳到韋達，若非存心靠害，不難一降即贏，半冷重心應先選取。濰坊、年年如意份屬圍內，揀冷腳可供驅策，打真軍應選足球大師。博好分着眼於兩匹輕磅馬，朝東之星、智勇非凡分配兩個南非客，愈冷愈妙。
（第四場）三班千二米難覓重心，十二匹上陣馬守齋者已佔十隻，好新聞不入圍已唔算新聞，左揀右揀得番隻松林之星，今次冇咗蔡明紹睇吓小告又有何新招？熱到熨手提防變成沙蟬落地—無聲。闊袍大袖偷鷄好易，由冷轉熱提防去借賀賢之軍刀殺人，霹靂槍、戰河可作冷配。
（第五場）均勢之局，在正常場地之下能跑一分四十九秒以隨時有五匹以上，最近滿高爆冷之役，與此駒映相分先後之好旺財亦係獨欠馬運之潛伏份子，尚有一匹出閘大脫腳之好運得福亦係接近取勝邊緣，易配上陣之稻庭烏冬與芝麻雪糕為一雙好腳。
（第六場）信賴上仗憑形勢之助輕爆大冷，若有人中空寶，今場有十倍八倍，不妨信多一次，太冷太熱，避之則吉！爭三甲以幸運相架、再來旺財最具實力，想好分留意聚有盈，易配上陣愈冷愈妙。福至心靈識睇電算機，熱則改投高歡。特別彩池加隻松風無妨！
（第七場）標青上賽以後備補上，單騎放出，贏得微妙，捧得過份，小心荷包！今場半冷重心，睇好中環英雄，分頭合算不止中環稱雄，沙田亦可也文也武。配腳雄心威龍、創新高，如不合口味，香檳王、精密紡可派用場。大冷提供強駒！
（第八場）勝利旋峰上仗屈作副車，此次主將押陣，自然由佢揸拂！爭入圍以談笑用兵、科研精英份量較高，但跑沙糠未必一定壓倒風陵渡，若派彩過份懸殊，底出不難。冷配勁飛馳、自家威難分高下，如派彩化算，何不兼收並儲，連四連環都殺埋。
（第九場）福將臨門上仗偷襲得手，由冷變熱，小心今次獲利回吐，得益者係新配柏寶之紅日。遠多少就係上次突然轉舵之千江映月。冷配有二，特色咖啡、寶利多分配南非殺手，若主將好利利仍無利可圖，任何一匹都要吼實。大冷川滙主帥，提防一降即爆！
（第十場）騰雲駕霧久休復出，四度上陣兩贏兩位，有餘未盡，仍是今賽重心之選。朝東飛駒新勝同桯，赤胆雄威強配押陣，想攞膽除非賠率過份距離，一爐共冶則成數頗高！冷腳大家開心、超勁精神。想好分納帕二號，豪情拍檔若見退熱，機會更高！
（第十一場）幾隻重磅馬控制大局，尤以歡樂繽紛近期五仗非冠即亞，從未甩Ｑ，應屬重心之選，賀喜如易配而熱唔多恭喜，反而開心久休復出，突然落注值得關心！三和之星、按得快均有爭入圍實力，過份冷落，贏亦不難。大冷腳加多隻好兄弟。
文章
沒有留言:
發佈留言